Tra le cose brute da védar a Verona, gh'é cassoneti, cartèi stradài denànsi ai palassi storici. Ma quél che vinse su tuto l'è la pitura che la va a scóndar el tubo de gronda póco distante dal "pósso (pozzo) San Marco". A quél che g'avù l'idea de scrimaciàr questo bèl palasso i dovarìa darghe 'na bèla multa e portarlo al Campón. El tubo prima l'éra piassè visibile 'dèsso se vede póco e i cassoneti iè lì da 'na parte.Va bén l'arte ma quésto l'è massa! Mi a 'sto punto scancelerìa le pitura e ghe darìa 'na man de colór al palasso come quél del tubo. La nostra l'è una provocassión, ma se dimandémo 'ndóe l'è la Sovrintendensa e se quésto tubo el deve star lì par forsa. El Diretór 06.08.2024
