Cambia le Aministrassioni ma i problemi no i cambia e come al solito el bó el dise al musso che la moier g'a mésso le corna. El caso che portémo ancó ai òci dei veronesi l'è el vècio benzinàr póco distante da Porta San Giorgio. Tanti i ghe passa denànsi de scapón co' la machina ma i le vede solo ci ghe parchegia nel piassàl.El lógo l'è lassà al so triste destìn da ani e ani e ani, le pantegane e calche barbón g'a catà casa ma nissuni fa gnénte. Disémo la verità, no fa schifo a la vista, fa propio cagàr e l'è un pecà che un lógo ai pié de la verde Valdonega tacà a le case Liberty de Borgo Trento el sia mésso cossita. Gh'éra, ci voléa sistemàr l'incróso lì tacà co' una serie de rotonde butanzo zò anca i resti del benzinàr e ghe ci diséa de far un pólo culturàr de quartiér grande un francoból. Par no sbaiarse nei ultimi vint'ani, nissuna aministrassión la g'a fato calcossa e no s'a visto calche idea co' un senso logico. Intanto la gramégna la magna el tempo....
