Póchi i sà che Verona ne l' Alto Medioevo l'éra ciamà Berna e che Bonn l'éra ciamà Verona. Tuto quésto gròpo storico l'è nato par colpa de Teodorico I scambià par Teodorico el grando in una fusión co' Dietrich von Bern. Storia véra e fòla come quéla in Svissera che la g'a ciamà la çità Berna in onór de Re dei Ostrogoti. L'antico nome todesco de Verona l'è Bern o Wälsch-Bern o Welschbern. La zonta la servéa par no ciamàrla come la çità de Berna che ancó catémo in Svissera, ciamà in latìn anca Verona. In Germania gh'è uno s-ciàpo de storiçi che i lése libri su libri e fòle su fòle tramandà de pare in fiòl su Teodorico el grando e iè rivè fórsi a savèr la vèra questiòn. A Verona gh'émo fantasia, come quéla de Giulieta co' el so balcón o de Da Vico co' el carneàl ma anca de quéla de Dietrich von Bern scambià par Teodorico el grando. I studi in Germania i fa un passetìn verso la verità. De sicuro la çità federàl de Bonn italinisà in Bonna, fin al XIV secolo se ciamàva Verona come riportà sora 'na medàia del 1244. Se pensémo che par i Cimbri, Verona se ciamàva Bearn, no gh'è altro da dir. Vai su "Verona e la so storia". El Diretor 03.09.2024
