Al Mu.Ba. Museo Barbarani, podì catàr un bassorilievo dedicà a Berto de Ruggero Dondè. Questo artista che l'è vegnù a vìvar a Verona da bòcia, l'è nato a Rimini nel 1878 e morto nel 1957 propio ne la nostra çità; fin da buteléto ghe piaséa disegnàr e cossìta el s'a iscrito a l'Academia Cignaroli 'ndóe el g'a otegnù i primi riconossimenti. Nel tempo s'a visto Ruggero parteçipàr a le varie esposissioni e biennali de bèle arti otegnéndo grande risultadi e complimenti.
Uno dei so primi laóri publiçi l'è stà la lapide de Oliosi de Castélnóvo del Garda par comemoràr la batàlia risorgimentàl. Nel tempo s'a visto tanti laóri co' la so firma ai Monumentàl de Verona "Du leoni" e quél in particolàr de Peschiera dedicà ai Martiri de l'Indipendensa nel 1913 intitolà quando l'è stà possissionà nel 1919 anca ai Caduti de la prima Guera mondiàl 'ndóe tra l'altro, el g'a parteçiupà come soldà. Podémo dir che quél de Peschiera l'è el primo monumento de la prima guera mondiàl de la provinçia veronese....
Un grande artista deventà veronese che l'è riussì a realisàr grandi opere, che al dì de ancó se pol védar ne la nostra provinçia. El Diretor (Verona, 21.04.2024).... varda l'opera al Mu.Ba.
