|
El Diretòr el farà de le dimande (da 1 a 3 dimande al mese nel 26° giorno del mese) che vegnarà publicà solo sul sito
- Parole dialetali
- Storia de Verona, Provincia,
- Carnevale Veronese
- Cruciverba e Anagrama
- La Cadéna
- Cartoline vecie de Verona e Provincia
- Foto su l'arte a Verona e de cantoni sconti de Verona e Provincia
- Poesie
- Cultura Moderna Veronese
Le squadre le podarà rispòndar dal giorno 26 de ogni mese al 25 del mese dopo, a Questo indirizzo email è protetto dagli spambots. È necessario abilitare JavaScript per vederlo.
ISCRISSIONI
Par iscrivarse bisogna lésar tuto el regolamento e scrìvar a Questo indirizzo email è protetto dagli spambots. È necessario abilitare JavaScript per vederlo. specificando:
-Nome dela Squadra (es. Paese, soranome, roba da magnar o qualsiasi altra cosa che la g'à a che far Verona e la cultura Veronese)
-Nùmaro Conponenti: da 2 a 4 Veronesi Provinsia – da 1 a 4 Veronesi fora Provinsia – 6 se presenti dei parenti (es.moiér o fioi ecc.) – Squadre miste da 1 a 4
-Nome o Soranome dei componenti (gnente cognomi)
(L' è vietado canbiar i componenti durante el canpionato)
-Indirisso I-meil del capitàn dela squadra (par ci vol anca un secondo indirisso) L' indirisso no'l pol essar canbià durante el canpionato.
-Logo de Proveniensa
-La Diression se la vol ve spedirà via meil la conferma d'iscrission entro 24 ore da la data de spedission de la vostra imeil
-Una 'olta iscriti vegnarà spedì la locandina ricordo del canpionato.
-No pol partecipàr al Canpionato ci l'è membro o ci l'è stà membro de la giuria (e relativi familiari) e/o ci colabora nel sito con rubriche storiche, cruciverba, proerbi, modi de dir. Ci l'a protestà o invià imeil de protesta no pol parteçipàr.
1.Canpionato:
1.1 Canpionato Dialetàl mese par mese
2.Puntegio:
2.1 El puntegio el vien somà dal'inissio a la fine del canpionato. es. puntegio I° Turno + II° turno + III° turno + IV° turno + V° turno.
2.3 La Vostra classifica del canpionato la vegnarà publicà entro 10 giorni.
2.4 Se uno el se iscrive a noémbre el g'avarà un bonus, 5 punti piassè a fine canpionato, ci se iscrive a deçembre el g'avarà 3 punti piassè a fine canpionato, ci se iscrive a genàr el g'avarà 1 punti piassè a fine canpionato, ci se iscrive da febràr el g'avarà 1/2 punto piassè a fine canpionato.
3.Dimande:
3.1 El Diretor el publica le dimande sul sito.
3.2 Come zà specificado ne la "Presentassion" le dimande i è divise par categorie
3.3 "No serVe essar poeta!" - Inventa 'na Poesia... La Poesia sarà composta in 8 righe; a esempio le righe dispari le sarà inserì dal Diretor (dopo aver siélto da le poesie del Berto) mentre le righe pari da le squadre. Deve vegnér fora 'na poesia de senso compiù. Vien premià soratuto "l'idea" e la "fantasia". Par ci sbàia a scrìvar 'na lètara serémo un ocio, basta che no sia gravi da impedir de capir el senso, fasemo nojaltri le eventuali coressioni prima de publicarle. Le poesie le vegnarà composte a partir dal primo turno. 8 righe (se in più e in manco el voto sarà 0)
Un esempio:
Diretor: Eco qua mondo pitoco
Squadra: ...la balada de l'oco!...
Diretor: Drito in meso a la cusina
Squadra: ...su na teja picenina...
Diretor: Me comare moscardina
Squadra: ...ghe da 'na saladina...
Diretor: Che bisogna festegiar
Squadra: ...che diman 'ndemo al mar!
4.Risposte:
4.1 Via meil a Questo indirizzo email è protetto dagli spambots. È necessario abilitare JavaScript per vederlo.
4.2 Par ci se iscrive entro el 25 noémbre el podarà rispòndar dal giorno 26 noémbre par el primo turno fin al 25 del mese dopo, dal giorno 26 deçembre par el secondo turno, dal giorno 26 genàr par el terso turno, dal 26 febràr par el quarto turno e dal 26 marso al 25 de aprìl par el quinto turno. Par ci se iscrive in deçembre el pol rispòndar dal 26 de deçembre ma el quinto turno el finisse el 25 de maio. Par ci se iscrive a genàr el quinto turno finisse el 25 de dugno. Par ci se iscrive a febràr el quinto turno finisse el 25 de dugno. Par ci se iscrive a marso el quinto turno finisse el 25 de luio.
4.3 Ogni 'olta che se spedisse le risposte a Questo indirizzo email è protetto dagli spambots. È necessario abilitare JavaScript per vederlo., in automatico Ve sarà spedì un imeil de ricession da parte de l'organisassion. Se par caso non Ve 'riva la risposta de ricession entro poche ore, vol dir che l'organisassion no l'à ricevù nissun imeil da parte Vostra.
4.4 Par savér se avì fato giusto o sbaià el Diretór publicarà sul sito la Vostra classifica. Le risposte piassè complete de tute le square le vegnarà publicà da agosto.
5.0 Premiassion - diploma via mail
5.1 Par i partecipanti: A tuti i partecipanti che i g'à risposto a tuti i turni, ghe vegnarà spedì via meil el diploma de partecipassion a parte la Pergamena de la Veronesità a le prime 3 classificà
5.2 Premi de Categoria
La squadra che risponde in maniera completa a le dimande (zontando altre informassioni a la risposta da dar) la gavarà el dirito al premio "Secia", altri premi:
Premio Asso de Cope = A la squadra seconda clasificada
Premio Sinpatia = Par el nome pi bel votà da le squadre partecipanti
Premio 15° Concorso Poesia Barbarani = A la poesia pi bela
6. Concorso de Poesia Berto Barbarani: A la poesia piassè bela ghe vegnarà spedì una cartolina-diploma inedita del grande Berto Barbarani.
7.Reclami: IscrivendoTe al canpionato, Te si d'acordo sul regolamento in tuti i so ponti chi de sora indicadi e del giudissio insindacabile dela Diression. Dunque l'è proibido reclamàr. Ci reclama durante el canpionato el vegnarà espulso.
8.Conclusioni: Lo spirito justo par partecipàr al Canpionato l'è: -Averghe voja de imparàr qualcosa de novo. -Contribuìr con la propia sapiensa a la divulgassión de la nostra léngua. -No preocuparse se i risultadi jè negativi, non sà mai finìo de imparàr. -No 'bandonàr el Canpionato in corso, bisogna savér ciapàr anca i risultadi negativi, avendoghe così anca rispeto par ci organisa e de ci partecipa. -L'importante l'è parteçipàr, parchè quel che deve vìnsar l'è la léngua veronese.
P.S. Come da lege su la Privacy i dati de persone, indirissi imeil dei partecipanti no vegnarà ne distribuidi e ne publicadi sensa l'autorisassión dei interessadi su internet o altri sistemi de comunicassión. Questi dati i vegnarà utilisadi solo par comunicassioni tra La Rena Domila e i interessadi par invio dimande e/o informassioni relative al canpionato o al sito.
|
