I Musicisti veronesi.
Antonio Salieri
Nato a Legnago el 18 agosto 1750. Restà sensa genitori e trasferido a Venessia, 'ndóe l'è riussì a deventàr sempre piassè brào co' i so studi musicali. A 16 ani el primo esordio a Viena nel 1770 con l'opera "Le done leterade". Nel 1776 l'avéa inaugurà el Teatro ala Scala fato ricostruìr da Teresa d'Austria con "l'Europa riconossuda".
Nel 1778, a la morte del Maestro Bonno, gh'è stà conferido l'incarico de Maestro de Capèla e Composidór de Corte. Nel 1784 l'à sostituì Gluck ne la composissión del'Opera "Le Danaides" rapresentada a Parigi. Dal 1790 el s'éra dedicà al'insegnamento, ma intensa l'è stà anca la só atività de organisadór. Colpido da sventure familiari e malandose ai òci, dopo el 1821 l'avéa dato segni de squilibrio mentàl. Morto a Viena el 7 majo 1825.
Giuseppe Gazzaniga
Nato a Verona el 5 otobre 1743. I sò studi iè andà avanti ben a Venessia e Napoli; 25 ani l'à esordido con l'intermeso "El Barone de Trocchia". Altro grosso sucesso col "Finto orbo" opera composta par el teatro de Corte de Viena su libreto de Da Ponte. Altri sucessi a le Corti de Monaco e Dresda e in vari teatri europei.
L'è stado anca Maestro de Capela nel dòmo de Urbino e de Crema 'ndóe l'è restà fin quando l'è morto el 1° febràr 1818. El s'à dedicà a la composissión sacra, oratori, teatràl e strumentàl. La só òpera più famosa l'è stà "Don Giovani Tenorio o méio el Convitato de Piéra" che anca Mozart l'à conossudo e da 'ndóe l'à ciapà spunto par la só prima sèna del só "Don Gioàni".
Carlo Pedrotti
Nato a Verona el 12 Noémbre 1817. Dopo èssar stà diretòr del Teatro Italiàn de Amsterdam l'è tornado a Verona 'ndóe el sà dedicà al'insegnamento e ala composissión. Inoltre, maestro e diretór d'orchestra al Teatro Regio de Torìn e come diretór del'Istituto Musical de Pesaro. La só òpera de me magiór sucesso l'è stà "Tuti in maschera".
Brao anca come composidór, diretór d'orchestra, insegnate e animadór culturàl. A Torìn l'avéa fondà e direto el Liceo Musicàl e a Pesaro l'avéa organisado l'Istituto Musicàl voludo da Rossini. Tornado a Verona el s'à copà butandose nel'Àdese dal Ponte dela Vitoria el 16 otobre 1893.