Oroscopo del Divìn Pojana 2024

L'imperdibile Oròscopo 2024. 

El nóvo 'Ròscopo Veronese del Pojàna, el Divìn che'l varda le stéle e i pianeti sóra a Verona par dar una interpretassión de qual podarà èssar, el destìn de l'òmo su la tera nel 2024. No l'è un semplice 'stròlogo. El Zodiaco Veronese tra i più vèci in Italia, studià par secoli e presente su La Rena Domila in ciàve moderna co' Moltón, Tòro, Zuméi, Moléca, León, Giuliéta, Balànsa, Scarpión, Cavalón, Cavrón, Garda, Àole. Par ogni segno del Zodiaco gh'è un colór che te porta positività, fortuna, schéi e salute nei momenti 'ndóe le robe le va mal. El Divìn Pojàna te dise la verità, no l'è falso. Varda Verona, varda le stéle co' Divìn Pojàna.

Moltón 21 marso - 22 aprìl
Moltón
Grassie a Giove, el Moltón pól métar su faméia co' la so pegoréta e ci l'è da solo no ghe resta che far schèi. Se par caso l'è da vint'ani che no te vedi un to caro amìgo dopo una barùfa, te pól védarlo ma... a distansa, tanto la to vita l'è andà 'vanti sénsa de lù. A fine ano, el to mestièr sarà quél del Michelasso, magnàr, béar e 'nar a spasso.

genàr * *
febràr * *
marso * *
aprìl * * *
màio * * *
dugno * * *
luio * * * *
agosto * * *
setémbre * * *
otobre * * * * *
noémbre * * *
decémbre * * *
colór: Sirésa de Cassàn

Tòro 23 aprìl - 22 màio
Tòro
In amór grassie a Giove, a fine ano, te catarè el to òmo/dòna dei sogni, basta oltàr el galón e seitàr a ronchesàr. Da dugno te pol viagiàr e nar a l'èstaro, ma visto i schèi ne la musìna, San Marino podarìa èssar la mèta piassè probabile. Nel laóro par 'verghe una promossion te devi lecàr el cul al to capo e no in senso figurà, dùgno el mese par darse da far co' la vaselina.

genàr * *
febràr *
marso * *
aprìl * *
màio * * * *
dugno * *
luio * * * * *
agosto * * * *
setémbre * * * *
otobre * * * * *
noémbre * * *
decémbre * * * *
colór: Mandolàto de Cologna

Zumèi 23 màio - 22 dùgno
Zumèi
El 2023 l'è finì mal, el 2024 pol scominsiàr solo che pèso, grassie a Giove che spaca le ultime bale restà sora l'àlbaro de Nadàl. Sul laóro te pol far le robe sensa spacàrse la schèna, basta métarse in malatìa e far laoràr un altro al posto tuo, Voia de laoràr sàlteme 'dosso... L'è un ano da capìr cosa far ne la vita, te pol cromparte casa a marso, i mobili d'arte a Zaréa a lùio e visto che gh'è Giove in trigono te pol nar a starghe a decémbre. Salute, mèio del 2023, ma forsi ghe vol póco.

genàr * *
febràr *
marso * *
aprìl * *
màio * *
dugno * * *
luio * * *
agosto * * *
setémbre * * * *
otobre * * *
noémbre * * *
decémbre * * * *
colór: giàrón


Molèca 23 dugno - 22 lùio
Molèca
Quando a febràr la to fameia dirà che no te si bon a far gnénte, a maio i to amiçi i te dirà che che no te capissi gnente, i risultadi i ghe darà rason. A setembre no sta a sfadigàr nel çercàr la persona giusta da métar al to fianco, parché quando la vién te vedarè che te si ti la persona sbajà.

genàr * * *
febràr * *
marso * *
aprìl * *
màio * *
dugno * * * *
luio * * * *
agosto * * *
setémbre * * *
otobre * *
noémbre *
decémbre *
colór: Verde-griso Àdese

León 23 luio - 22 agosto
León
Te gh'è voia de stàr da par ti sensa nissuni che te rompa le bàle, cossìta te pensi de far un mese ne l'Eremo dei Camaldolesi a Garda o a montàr una barca a vela in garage co' i 85452 tòchi catà sul giornàl del fa da ti. El laóro manuàl pol darte sodisfassión ma no in amór parché te pol deventàr òrbo. Urano pol zontàr sfiga a sfiga, no te riussìrè a destacàr gnanca el fér dai sòcoli dèl cavàl par tacàrlo sóra a la pórta, no se pol tor par el cul el cavàl!

genàr *
febràr *
marso * *
aprìl * *
màio * * * *
dugno * * *
luio * *
agosto * *
setémbre * * *
otobre * * *
noémbre * *
decémbre *
colór: Pàndoro

Giulieta 23 agosto - 22 setembre
Giuliéta
Ogni 'òlta a genàr l'è sempre de quéla e te a la riçérca de calcossa de difarente, ma par far calcossa de difarente te devi cambiar modo de far, calcossa mai fato prima, base jumping con l'astìco de le mudande dal ponte de Veia a setembre o caminàr sora l'Adese in piena a otobre. A fine ano sul laoro te vegnarà svelà e segreto par èssar felici anca quando i te paga poco, basta no èssar tristi.

genàr *
febràr *
marso * *
aprìl * *
màio * * * *
dugno * * * *
luio * * *
agosto * *
setémbre * *
otobre * * *
noémbre * * * *
decémbre * * *
colór: Paia da luamàr

Balànsa 23 setémbre - 22 otóbre
Balànsa 
Grassie a 'na mucia co' Giove e Saturno e Mercurio ogni tanto te pol farte notàr, a 'na festa o par strada, come una stéla che sluse nel çiél, pecà, che la luçe l'è blu e la s-ciantìsa come quéla de 'na volante, béar poco o dir de éssar passà co' el bianco... de Custòsa! Nel laóro te vegnaré ciamà in ufissio dal capo, mèio presentarse co' le scarpe sensa cordóni, podarìa rivàr un importante comunicassión quando te te cuci par ligàrteli. In amór te convién tor un bel ovo de strusso al posto de la famosa pastilìa blu par darghe drénto, òcio a no sbaiàr co' le pastilie dei freni.

genàr * *
febràr *
marso * * *
aprìl * *
màio * * *
dugno * * * *
luio * * *
agosto * * *
setémbre * *
otobre * * *
noémbre * *
decémbre * * *
colór: Maron de San Mauro

Scarpión 23 otóbre - 22 noémbre
Scarpión 
Grassie a Giove in Ariete che i te darà sicuressa te podarè caminàr co' l'ombréla sbusa soto la pióva. In amór, no te vedi l'óra de sposarte a setémbre o aprìl ma una 'olta sposà, la vita sarà difarénte, 10 kg piassé in un mese; par ci l'è sensa morosa/o, gnènte paura, basta córar incontro a l'amór, tante òlte scónto de drio al cantón, òcio a no sbrissiàr descàlso sul pavimento móio e spacàrte la deolìna propio sul cantón.

genàr * * *
febràr * * *
marso * * *
aprìl * * * *
màio * * * * *
dugno * * * *
luio * *
agosto * *
setémbre * * *
otobre * *
noémbre * *
decémbre * * *
colór: Bianco de Custòsa

Cavalón 23 noémbre - 21 decémbre
Cavalón
Durante l'ano te catarè tanti sassi longo la to strada ma forsi te sarè in una de le cave del Monte Pastèl poco distante da Breonio località sièlta par le vacanse de luio al posto de niu iorc, visto che no te g'avarè schèi par narghe. Se a maio te par de no servir a gnente, no preocuparte, parché no te si da solo, la zénte la pensarà questo de ti e la starà postà a ti par sentirse mèio.

genàr * *
febràr * * *
marso * * *
aprìl * * * *
màio * * *
dugno * * *
luio * * *
agosto * * * *
setémbre * *
otobre * * *
noémbre * * *
decémbre * * * *
colór: Brocoléto de San Gioàni in val

Cavrón 22 decémbre - 20 genàr
Cavrón
Par ci l'è nato nel segno del Cavron, grassie a Plutón, ghe tocarà sfadigàr, come portàr su la schéna una zérla impenìda de sassi da Bardolìn fin a Cima Telagrafo. In amór o nel laóro, ogni ano da setémbre a decémbre g'avì la speransa che co' l'ano nóvo, le cose le vaga al mèio, cossìta ghe sarà la tentassión de far nóe 'spariense come cusinàr la Pearà co' la Caponada Siciliana, ma ci vive sperando móre cantando..

genàr * * *
febràr * *
marso * *
aprìl * * * *
màio * *
dugno * * *
luio * * * *
agosto * *
setémbre * * * *
otobre * * *
noémbre * * * *
decémbre * * *
colór: Tèra giàla de la Valdonega 

Garda 21 genàr - 19 febràr
Garda
Grassie a Giove tornà nel segno de le àole dopo piassè de dies'ani, te pol realisàr tuti i sogni nel càlto, prima parò cava i calséti col buso e le mudande in boléta. In amor nel mese de maio te podarè maridarte, anca regalando un gambo de rosa. Nel laoro, in certe situassioni, tièn duro, anca quando l'è molo.

genàr * * * *
febràr * * *
marso * *
aprìl * * *
màio * *
dugno * * *
luio * * *
agosto * *
setémbre * * *
otobre * * *
noémbre * * * * *
decémbre * *
colór: Piéra Galìna de Àesa 

Àole 20 febràr - 20 marso
Àole
Grassie a Giove in Ariete che i te darà sicuressa te podarè caminàr co' l'ombréla sbusa soto la pióva. In amór, no te vedi l'óra de sposarte a setémbre o aprìl ma una 'olta sposà, la vita sarà difarénte, 10 kg piassè in un mese; par ci l'è sensa morosa/o, gnénte paura, basta córar incontro a l'amór, tante òlte scónto de drio al cantón, òcio a no sbrissiàr descàlso sul pavimento móio e spacàrte la deolìna propio sul cantón.

genàr * * *
febràr * *
marso * *
aprìl * * *
màio * * * * *
dugno * * * *
luio * *
agosto * *
setémbre * *
otobre * * *
noémbre * * *
decémbre * * *
colór: Schìto de colómbo de Piassa Dante