Póchi i sà che in Lessinia un tempo gh'éra un bèl mùcio de Casteliéri, uno s-ciapo de capàne del protostorico sora un monte co' a tórno 'na mura par difendarse. Du in particolàr i se vardava nei òci ma de quél de Sotoséngia no gh'è restà gnénte parché g'a fato posto a 'na preàra, invéçe quél de le Guaite l'è in vita ma l'è magnà da la gramegna e nissuni fa gnénte par salvàr quél poco restà. Noàntri volémo salvàr la memoria e contarve cosa l'è sucesso 50 ani fa poco distante da la contrà de Sotoséngia, co' le parole de studiosi e archeologi. Scòndar tuto quél sbalià vol dir séitar a sbaliàr nei prossimi ani e desmentegàr la propia storia. Se parte co' grandi progeti e nel giro de pochi ani tuto sparisse o quasi. No ghe ne frega gnénte a nissuni, l'importante l'è no pestàr i prè e magari póco più in là 'na prearà la magna la montagna! Se lése tante òlte come i lessinici ghe tegna a la so tèra disendo che i "çitadini" no i capisse un casso.. In questo caso, par ci ghe vive, iè solo quatro sassi. vai a l'articoloEl Diretor 18.09.2024
