La Rena Domìla pól contàr un altro rercord su internet co' un Dizionario de 400 varietà de piante nel veronese. La rubrica Mènego Maìstro l'è partì 10 ani fa co' le cure de un tempo e i dizionari de la salute e de la botanica. Piàn piàn l'è andà 'vanti deventando sempre piassè grande. Cossita dopo ani e ani passè sóra i libri semo riussìdi a publicàr del nóvo materiàl co' tante cusiosità come l'Erba de le moròidi, l'Erba Tòssega, l'Erba Grata, l'Erba per la tersana, l'Erba par le piàghe, l'Erba par la rògna. Dal nome podémo capìr par cossa le vegnéa utilisà anca se a 'òlte el risultado no l'éra giusto par quanto la speransa l'è sempre l'ultima a morìr. Ve invitémo a butàr un òcio a quanto émo scoèrto e magari la prossima òlta se vedì 'na pianta lóngo la strada che ve piase, lasséla lì e pensèghe sóra che no sempre no l'è tuto òro quél che slùsega! Vai a la rubrica >>>
