Par ci ghe piase far quatro passi o nar in bici a tòrno a Soave, tra panorami incredibili, magnàr e béar de qualità in mèso a la natura, Ve consiliémo de far un salto el 23 de marso con noàntri. Par le iscrissioni ghe vol 15 euri (par buteléti fin a 12 ani 5 euri) e dovì telefonàr al 0456939887 o scrìvar a info@visitasoaveestveronese.it IAT Soave Est Veronese, Piassa Foro Boario 1 invéçe par ci va in bici dovì telefonàr al Gruppo Ciclisti Soave ASD 3337452643. Se piove no se fa gnénte. Ma vardémo cosa Ve spèta...
Ore 8.30 gh'è le ultime iscrissioni e la consegna del zaino con merenda (che se magna a le ore 15.30). Se parte a le ore 9, dopo, a le ore 10 se tasta miél e marmelada da l'Az.Agric.Salgaro e l'incontro co' el botanico Roberto C.Gamacchio che ne parla de le pianti ofiçinali; A le ore 11 se va ne la Cantina Roncolato par tastàr vin e magnàr pan e sopressa; a le ore 12 se tasta l'oio e Grostoni dal Frantoio Fornaro; a le ore 13 Pasta de benvegnùdo a cura de i Amiçi de Costejola e i laori de un tempo; a le ore 15.30 el ritorno co' merenda; a le ore 16.30 al Santuario de la Bassanela do parole su "La Porta Santa del Giubileo 2025 a cura del profe Roberto Ugo; a le ore 17 "La Dona vista dal Barbarani" poesie de Berto a cura de Andrea Toffaletti. A le ore 18 "Calici diVino" se tasta el riso Melotti de Isola e i Rufioi. Ve spetémo. (La Redassion 17_03_2025)
