El video de l'adunata nassionàl dei Alpini dal 10 al 12 maio a Vicensa de La Rena Domila.it, un evento fantastico, soratuto par le péne nere veronesi che iè stà protagoniste de la sfilata con un nùmaro impressionante de parteçipanti, un marea tricolor. Par le vie de Vicensa se respirava aria de amicissia e alegria, co' canti e sganassade. Noàntri érimo presenti nel secondo giorno par respiràr mèio l'aria de l'adunata e defàti no se sémo sbaià, l'è stà una giornada veramente interessante par capìr mèio come funsiona una manifestassion de 'ste dimensioni. El problema che tanti i diséa, l'è che no gh'è ricambio e quindi tra dies'ani se podarìa far fadìga a organisàr una cosa de 'sto tipo, co' la "nàja" i Alpini i èra piassè. Solo el tempo ne dirà se ghe sarà ancora un adunata, ma soratuto se ghe sarà Alpini che fa volontariato par el teritorio, che l'è la cosa piassè importante. 100 mila Apini par le vie de Vicensa con 500 mila presense totali in çità in tre giorni, co' una sfilata che l'è riussida a superàr le 12 ore. Nùmari impressionanti. Ci l'è Alpìn, l'è Alpin par sempre. (El Diretor 11.05.2024)
