SALINE - SAN MORO DE SALINE (San Mauro di Saline) - Salàin

Popolassión: 582 Altessa: 804 metri sóra el livèl del mar Superfice: 11,24 chilometri quadri Comùni confinanti: Velo Veronese, Badia Calavena, Tregnago, Messàn de sóra, Verona, Roarè Veronese.

Saline, el se cata a nord de la Val de Messane e a Ovest de Badia Calavena çircondà da un stupendo paesaio montan e da un poche de contrade sparse qua e là come le Comerlati, Meccari, Nardari, Scaletti, Spillichi, Strengaro, Vago e Varalta, sensa desméntegàrse che de questo teritorio fa parte ànca la frassión de Tavérnole con le contrade Betola e Dosso. Poco distante dal paese gh'è el Monte Mòro (anticamente Monte Castro), 'ndóe 'na olta gh'éra un "Casteliér" de l'età del brónso e un "Castrum" costruido in epoca romana a scopo difensivo e par butàr un ocio su la Via Cara, importante via de comunicassión e de passàio par caréti e bestiame bovin e cavrin, che la partìa dal setimo mïo romàn de la Via Postumia a l'altessa de Vago de Lavagno e lóngo la dorsàl la rivàa in Lessinia.

Questo tra l'altro el dovarìa èssar stà, secondo 'na legenda, el percorso fato dal Vescovo de Verona San Mauro tra el 612 e 'l 622, par arivar a Saline 'ndóe el s'a ritirado a vita da eremita sul monte che'l porta el so nome. Chi l'è stà costruida nel 1388 la césa de San Leonardo (da Limoges) in Castro (ànca in Monte Mòro) sui resti de 'n'altra andà completamente brusà. L'è a tri navade con tri absidi e un pòrtego sul davanti con un campanìl a pianta quadra e coredà con 4 bifore. Su la porta de ingresso gh'è un afresco del treçento rafigurante la "Madona col butin, San Leonardo e i devoti". Da documenti se rileva che nel 1145 e nel 1165 la césa l'éra in man ai monaci. Questo Santo l'éra venerado da queste parti come protetór de le done "gravide" e dei mal de molona (oltre che liberador de prigionieri e dei contadini cimbri). Defàti gh'éra l'usansa de dar la benedission "coi çercoli in fero batudo" che i vegnéa infiladi ne le balaustre de l'altàr de San Leonardo, fasendogheli métar su la molona dei devoti nel giorno de la sagra de San Mòro a la fine de setembre. La césa parochiàl atuàl l'è dedicada a San Mauro (San Moro in  ver.) e costruida nel 1835 su 'n altra precedente, nata intorno al XV secolo con a l'interno afreschi e tele de Rocco Pittaco e de Agostino Pegrassi, (demolida tra el 1775 e 'l 1835). Par ci se dimanda da 'ndóe el vién el nome Saline el pól avérghe più risposte. Se pensa che'l vegna da le folénde (piétra focaia) laorade "Salàin" che in questo teritorio tra le altre jè stà catade o dai depositi de sal utilisadi par pagàr i mesàdri ai tempi dei Scaligeri; un sacheto de sal par conservàr la roba da magnàr in cambio de la manodopera.

Storicamente l'è stà uno dei tredese comuni cimbri a partir dal 1287 quando el Vescovo de Verona Bartolomeo de la Scala l'avéa concesso a questi boscaioli-cimbri "Tzimberer" dei tochi de tera in Lessinia da disboscàr in parte e abitarghe. Nel XVI secolo gavemo la presensa de un prete de lengua todesca, che testimonia ulteriormente la quasi esclusiva predominansa de popolassióni todesche ne la zona e la necessità de una so evangelisassion in lengua germanica: infati dal 1527 al 1541 el paroco de Saline l'éra un çerto don Andreas de Fondrunis, che'l vegna dal Sèro Veronese e parlava in cimbro. Nei secoli sucessivi gh'è stà la peste oltre al colera e una grande emigrassión verso le fabriche çitadine, causa predominante de la diminussión demografica. Da segnalàr ne la contrada Vago una carateristica corte con colombara datada 1610 che secondo la tradissión l'éra sede de la Pretura e che presenta su la fasàda del’abitasion, n' afresco de la Madona contornada da angioleti che i maca con el pié un bisso. Una curiosità l'è che Tavérnole, 'desso relegada a frassión, un tempo l'éra uno dei XIII comuni cimbri de la Lessinia. Tra i prodoti tipiçi da ricordàr i “maroni” con l'importante festa de fine otobre e 'l formajo “Monte Veronese”. 

Poco distante dal paese da San Mòro de Saline (par i amiçi, vién ciamà solo Saline) gh'è el Monte Mòro a 881 m.s.l.m. (anticamente Monte Castro), 'ndóe 'na olta gh'éra un "Castèlier" de l'età del brónso e un "Castrum" costruido in epoca romana a scopo difensivo e par butàr un ocio su la Via Cara, importante via de comunicassión e de passàio par caréti e bestiame bovin e cavrin, che la partìa dal setimo mïo romàn de la Via Postumia a l'altessa de Vago de Lavagno e lóngo la dorsàl l'rivàa in Lessinia.

Questo tra l'altro el dovarìa èssar stà, secondo 'na legenda, el percorso fato dal 27° Vescovo de Verona San Mauro (Mòro) tra el 612 e 'l 622, par rivàr a Saline 'ndóe el s'a ritirado a vita da eremita sul monte che'l porta el so nome. Chi l'è stà costruida nel 1388 la césa venerà dai Cimbri dedicà a San Leonardo (da Limoges) in Castro (o in Monte Mòro), sui resti de 'n'altra andà completamente brusada in stile romanico con alcune influense del'architetura gotica. Catémo afréschi del XVII e XVIII su i muri de le tre navade che le g'a tre absidi. Un pòrtego sul davanti con un campanìl a pianta quadra e coredà con 4 bifore. Su la porta de ingresso gh'è un afresco del treçento rafigurante la "Madona col butin, San Leonardo e i devoti" forsi de la scòla de l'Altichiero da Zevio.

Da documenti se rileva che nel 1145 e nel 1165 la césa l'éra in man ai monaci. Questo Santo l'éra venerado da queste parti come protetór de le done "gravide" e dei mal de molona (oltre che liberador de prigionieri e dei contadini cimbri). Defàti gh'éra l'usansa de dar la benedission "coi çercoli in fero batudo" che i vegnéa infiladi ne le balaustre de l'altàr de San Leonardo, fasendogheli métar su la molona dei devoti nel giorno de la sagra del patrono de fine setémbre. Su l'altar magiór, se pol notàr anca uno splendido polittico ligneo a più registri e a più scomparti del secolo XVI forsi opera de artisti de la faméia dei Giolfino o dei Badile; ne la predela e a bassorilievo, Cristo con i dodici Apostoli (alternà dai Quatro Dottori dela Chiesa e da Santi vescovi), mentre nel primo registro, invéce ne le nicie una Madona con i Santi Lorenso, Paolo, Leonardo e Mòro. Ne la parte alta l'Eterno Padre che tién su el Crocifisso con ai lati l'Angelo e la 'Nunsiàta. Ne la parte finàl, in una luneta, "Cristo risorto". Una césa da visitàr, soratuto par 'verghe un momento da dedicàr al corpo e al spirito.