Saludi da la Redassión de Dublìn, Ceád mile fáilte sento mila olte benvegnùi ! Da la lontana Irlanda, la nostra Evy la ne porta in giro par l'Isola, un qualcosa de incredibile, la cultura irlandese, la storia e altro ancora, una sorpresa drio a l'altra. Buta un ocio ne la tera verda, dai Celti a San Patrissio....
Ciao a tuti! Me ciamo Evy e vivo a Dublìn che in irlandese se dise Baile Áth Cliath. Son sempre sta n’apasionada de Irlanda e de la so cultura. De sta isola verda me piase la storia, la musica, la gente. Dublino l’è sicuramente più granda de Verona ma no lé Londra e qua te cati sempre na facia conossua o na persona che te saluda. Anca se le tanto diferente da casa, dopo un poco, te te abitui e la diventa un familiare e amichevole. In sta rubrica me piasarìa contarve de noialtri veronesi, veneti e italiani che emo deciso par un po, o par sempre, de vivar chi. Condividaremo esperienze en sta isola che i ciama “de smeraldo”, le nostre storie. Se sercarà de metar a confronto do culture difarenti ma bele…insoma ciacolaremo con tuti i veronesi, veneti e italiani nel mondo par sentirse manco distanti e sempre più orgojosi de esar veronesi…e alora? Sa spetìo? Verzì ste pagine che inissia la storia.... SLÁN BYE BYE, Evy