Se parla da giorni a Verona de intitolàr 'na via a Giorgio Almirante. Lassando pèrdar ci l'éra e cosa l'a fato ne la so vita, ma no l'éra veronese. Nei ultimi ani vint'ani el Comùn de Verona l'à pensà de darghe i nomi a vie, piasse e giardini ispirandose a persone e fati storici che no i-è veronesi, mentre el grande Tolo Da Re uno dei cantóri de Verona e de l'Adese confinà su un àlzaro. Basta l'è ora de finirla! De veronesi che i s'a impegnà ànema e corpo par la so çità ghe n'è stà, e più passa el tempo e manco riussémo a catarli sui libri de storia. Intanto se podarìa pensàr a do-tri vie, con nomi, che forsi tuti semo dacordo, Roberto Puliero, Giorgio Gioco, Giulio Tamassia. Ghe vol tempo, questo lo savémo, par un regolamento comùnàl deve passàr tanti ani da la morte par intitolàr 'na via, ma pensémoghe. De veronesi che i-è riussì a far grande Verona ghe n'è stà, no serve i foresti! (La Redassion 24.01.2020)
