La sera del 28 dugno, vigilia de San Piéro e Paolo (29 dugno), se ciapa un bel fiasco de vero, trasparente, che vegnarà impienì de aqua fin a metà. Dopo se lassa cascàr drento la ciara de l'ovo. Te meti el fiasco su l'erba in maniera che'l ciapa la rosada (rugiada) de la nòte o se te vivi in çità sul davansàl de la finestra. El giorno dopo buta un ocio al miracolo, la ciara de l'óvo ciapa la forma de una barca a vela. A seconda de la forma de le vele te pól savér le previsioni del tempo par el resto de l'an agrario. Vele verte vol dir che vegnarà el sol, longhe e strete aqua. Una tradissión unica che ogni an provémo e ogni an ne fa restàr a boca verta, una maraveia che dovì provàr!..... (La Redassion 24.06.2024)
