Dal 11 al 16 de agosto 2023 a Quinsàn, torna la Festa più antica d'Italia co' la so 540ma edission, nata nel lontàn 1480 d.C. El nostro Diretòr Andrea Toffaletti sarà el presentadòr ufissiàl de le 6 serate musicali. La Rena Domila l'è "media partner" come se dise in anglo-latìn, meio dir parò cari amiçi de la festa. Festa no sagra, parchè l'è un momento 'ndoe tuta la comunità de Quinsàn (Chinsàn) la pol stàr insieme in alegria e 'ndoe i volontari se fà su le màneghe par regalàr un pochi de giorni de bonumòr ai veronesi. Una Festa che la stà in pié solo co' la passion e sensa l'aiuto de le istitussioni, che meritarìa più considerassion no solo par la so storia, Ma parchè no se pol mancàr? El magnàr e 'l béar l'è de prima qualità, questo par far in modo che la zénte la possa sentirse a casa e se zontèmo bona musica, la Festa se pol definirla propio Festa. Tra le pietanse segnalémo, a parte el risoto co' el tastasàl e i gustosi bìgoli co' el musso, l'ispanica paella valençiana, No gh'è solo roba da magnàr e bona musica che se sposa co' 'na bira no filtrà soto al campanìl, gh'è anca una bela mostra artistica del grande Ennio Mischi. Se te si da le parti del ponte del Savàl o in Borgo Trento o a Parona.... te manca poco par rivàr a San Roco! Te spetèmo! La Redassión
> CALENDARIO EVENTO
11 AGOSTO 2023
Ore 18.37 - apertura Pesca de Beneficensa
Ore 18.57 - apertura stand gastronomici e cusina
Ore 19.00 - Inaugurassion de la mostra de Ennio Mischi
Ore 20.27 - Daniele e la so fisarmonica
12 AGOSTO 2023
Ore 20.27 - White room band (Claudia Rainer, Enrico Fasoli, Matteo Perusi, Lorenzo Crosato, Andrea Benetti, Federico Savoia)
13 AGOSTO 2023
Ore 10.00 - Santa Messa
Ore 20.27 - Amos Group Melodic Rock (Amos Carli, Salvatore Russo, Pietro D'Elia, Dennis Carli e Gianni Sabbioni)
14 AGOSTO 2023
Ore 08.00 - Santa Messa
Ore 21.00 - Mike-Way cover band (Paolo Dal Conte, Matteo Vallicella, Chiara e Massimo Martinelli, Moreno Piccoli, Filippo Ogheri, Alessandro Chiarello, Alberto DI Carlo)
15 AGOSTO 2023
Ore 10.00 - Santa Messa Festiva
Ore 21.00 - Rugantino Band
16 AGOSTO 2023
Ore 08.00 - Santa Messa
Ore 10.00 - Santa Messa solenne con la partecipassion de un coro, Benedission del pan, con la consegna del 52° Premio San Rocco a l'Ass. La Nostra Casa
Ore 20.27 - Senza Fissa Dimora tributo Nomadi{/sliders}
> ARTE FESTA
Par l'edission 23 de ArteFesta - l'arte ne la Festa, ghe sarà la possibilità, de darghe un ociàda a le opere de lgrande Ennio Mischi. La so produssión l'è veramente granda e i riconossimenti nassionali e internassionali i-è stà veramente tanti.
> 'NDOE SE CATEMO