Canpioni de le Tradissioni veronesi.
XXV canpionato... Granfati! Canpión
"Grafati!" vinse el 25mo Canpionato del mondo de le Tradissioni Veronesi con una grandissima prestassión visto che a distansa de mèso punto "Me Compare Giacomèto" l'a vinto el resto, Asso de Cope, Premio Simpatia e Premio Barbarani. "Le Sgàlmare" iè riusside dopo ani a rivàr sul podio. "Elkjaer Sindaco" dopo du titoli de fila l'è cascà al setimo posto. "Pescantinopoli" s'a presentà dopo dies'ani sensa sbaiàr una risposta ma restando zò dal podio ma conquistando el Premio Sécia. Nel complesso, Canpionato durissimo e squadre fortissime.(El Diretòr 09.12.2023).
XXIV canpionato... Elkjaer Sindaco Canpión
Elkjaer Sindaco el vinse el 24mo Canpionato del mondo de le Tradissioni Veronesi con una grande prestassión, al secondo posto e Premio Asso de Cope a "Le Ave Mate" e la medàia de brónso a "Sir Umoli". El Premio Sinpatia par el nome piassé bel de la competissión a "Le Sgàlmare". Premio Sécia a le "Ave Mate" sensa contàr el XIV Premio Barbarani. (El Diretòr 04.06.2022) 
XXIII canpionato... Elkjaer Sindaco Canpión
Elkjaer Sindaco el vinse el 23mo Canpionato del mondo de le Tradissioni Veronesi con una grande prestassión, al secondo posto e Premio Asso de Cope a "I Sèresù" e la medàia de brónso a "Fritàja co' la Séola". El Premio Sinpatia par el nome piassé bel de la competissión a "Le Bràse Cuèrte". Premio Sécia a le "Ave Mate" e Premio Sécia d'Arsénto a "I Fiói del Bandàr". El XIII° Premio Barbarani a "Bele Muse" da Barçelona. (El Diretòr 05.06.2021)
XX Canpionato del mondo tradissioni veronesi Elkjaer Sindaco canpión !!!
La squadra "Elkjaer Sindaco" dopo tanti secondi posto, l'è riussì a vìnsar el canpionato n°20. Al secondo posto e Trofeo Asso de Cope a "Semo! En tri!", al terso posto e premio Secia "I Fiòi del bandàr". El 10° Premio Barbarani a "Cani dal porco", mentre el premio simpatia par el nome piassè bel a "Ossi da brodo". Risposte, Classifica e Foto de la Premiassion (La Redassión 26.05.2018).
XXII canpionato ai Fioi del Bandàr
El canpionato dopo ani el ris-ciava de no partìr, poca voia par colpa del Coronavirus, ma le squadre i-éra tute dacordo sul fato, che bisognàva parteçipàr. El virus no podéa scancelàr la voia de zugàr, de far quel che émo sempre fato par ani. L'oroloio in quarantena el paréa fermo, le giornade tute istesse ma l'unica cosa che te faséa passàr le ore l'éra propio el canpionato. La premiassion no l'è stà fata come al solito, in compagnia, denànsi a un bon risoto co' el tastasàl e questo el n'a fato tornàr co' pié par tera a pensàr al virus e a quante cose te pol pérdar. Cossìta el nostro diretòr l'à messo su una direta streaming (strimin) su Youtube (iutub) con tanta zénte pronta a scoltàr e védar la classifica finàl, con do parole in ciat, No l'è stà el massimo, parché darse un strucon de persona l'è un altra cosa, ma almanco grassie a le foto de le squadre se podéa ricordarse de ci i altri ani l'è stà sempre presente. Dopo ani de bèi piassamenti dal 2000, "I Fioi del bandàr" i-è riussì a vénsàr con gran merito, tiràndo fora una gran poesia finàl e intivàndo la dimanda sul carnevàl che g'à provocà un teremoto, in un canpionato che paréa la borsa de Milàn co' alti e bassi in classifica. Al secondo posto co' l'asse de cope, le Ave Mate, tra le squadre più forti dei ultimi ani, sempre pronte a completàr el servissio de "sece". Al terso posto Elkjaer Sindaco, sempre sul podio, ma st'ano, co'in scarséla un Premio Barbarani in più. Le squadre dei veronesi nel mondo i-é riussì a far la so figura, in un canpionato sempre pién de sorprese- El Premio Sinpatia par el nome piassé bel de la competission a "Péssega che l'è stròo". Sperémo che'l canpionato el vaga sempre avanti, parché oltre a tegnér alte le tradissioni, la léngua e la storia, tién alto el senso de faméia e de comunità de ci parteçipa...... (La Rena Domila 31.05.2020)
XXI Canpionato dele tradissioni a Fritaja co'la seola !!!
La squadra "Fritaja co' la seola" 'è riussì a vìnsar el canpionato n°21. Al secondo posto e Trofeo Asso de Cope a "Elkjaer Sindaco" canpioni de l'edission 20, al terso posto e premio Secia "Le Ave Mate". El Premio Barbarani 11 a "Sempre Verto", mentre el premio simpatia par el nome piassè bel a "En monte e 'na val". Foto de la premiassion, dimande, risposte e classifica (La Redassión 25.05.2019)