La rubrica dei poeti foresti co' tradussión in veronese. Se par caso no te conossi Neruda o Lorca l'è rivà el momento de farse una cultura fora dai confini italiani, cossita no te ris-ci de far la solita figura da ignorante. Te capissi, che forse, anca a Verona e in Italia no semo scarsi e che sarìa meio studiàr prima quel che gh'èmo in casa nostra. La nostra poesia l'è la piassè bela al mondo e nissuni deve insegnarne come se scrive. Lèsi le poesie foreste e dopo pensa a 'ste parole! Sarìa mèio valorisàr prima Berto Barbarani o Tolo Da Re....o no?
POETI:
- Ezra Pound
- Rabindranath Tagore
- Federico Garcia Lorca
- Rudyard Kipling
- Jacques Prévert
- Pablo Neruda
- Walt Whitman
- Bertolt Brecht
- Charles Bukowski
- Johann Wolfgang Goethe
- William Blake
- Charles Baudelaire
- Hermann Hesse
Ezra Pound
EL TABÀR
Te gh’è ancora ‘na rosa scónta nel càlto.
Tiéntèla fin quando no finisse la primavera.
Pénsito che la morte voia basarte
o catarte un moroso come mi
o che le rose nóe le sentirà la to mancansa?
Preferisso el me tabàr a quel impolverà
che’l quèrta l’an passà con ti.
Te dovaressi ‘verghe piassé paura
del tempo che dei me òci.
"THE CLOK"
Thou keep'st thy rose-leaf
Till the rose-time will be over,
Think'st thou that Death will kiss thee?
Think'st thou that the Dark House
Will find thee such a lover
As I? Will the new roses miss thee?
Prefer my cloak unto the cloak of dust
'Neath which the last year lies,
For thou shouldst more mistrust
Time than my eyes.
Rabindranath Tagore
NÙGOLE
Vegnì, o nùgole, imbombegà de aqua
e càrghe de piova.
portì el vostro amor griso
su la tera.
Vegni a basàr le ponte dei monti,
a quértàr de ombrìa i giardini
e con gran bacàn
vegnì a quertàr el siél.
Pianse el bosco
e sgrìsola el fior,
Pianse l’Adese,
cargo de làgreme.
Vegnì a impenìr el cor,
vegnì a smorsàr la sé,
vegnì a speciarve nei me oci,
vegnì a calmàr la me ànema.
Federico Garcia Lorca
ORTO DE MARSO
El me pomàr
el g’à zà ombrìa e i osèi
Che salto fa el me sogno
da la luna al vento!
El me pomàr
ghe dà i so brassi a le fóie.
Fin da marso riesso a édar
la ponta sbiancà de genàr!
El me pomàr…
(vento basso).
El me pomàr….
(siél alto).
Huerto de marxo
Mi manzano
tiene ya sombra y pájaros.
¡Qué brinco da mi sueño
de la luna al viento!
Mi manzano
da a lo verde sus brazos.
Desde marzo, cómo veo
la frente blanca de enero!
Mi manzano...
(viento bajo).
Mi manzano...
(cielo alto).
Rudyard Kipling
SE
Se te riussirè a no pérdar la testa,
quàndo tuti i le perde arente a ti,
dandote la colpa;
se te riussiré averghe fede in ti
quando nissuni se fida,
e tegnendo conto che no i s'a mai fidà,
se te riussiré a spetàr par gnente
sensa stracarte,
se, smerdà da calchedùn,
no te perdì tempo ne le cagade,
o se, te ghe sté su le bale,
te fé finta de gnente,
sensa farte édar massa bon
o massa saveròn;
se te riussiré a sognàr
sensa che'l sogno sia el paròn;
se te riussiré a pensàr
sensa che'l pensàr sia un to sogno,
se te riussiré a ciapàrla ben
anca quando le robe le te va gran mal,
ciapando le robe a la stessa maniera,
se te riussiré a scoltàr la verità che t'e dito
rimissià da stronsi par intortàr
la pora zénte,
o a édar cascàr zo le cose
che te ghe tién
o a cuciàrte par tacàrle come te pol;
se te riussirè a muciàr tuti i schéi
che t'e vinto e a zugarteli
a testa e crose,
a pèrdar e scominsiàr da novo,
sensa mai dir gnente
anca còando te perdi;
se te riussiré a obligàr, el to cor,
nervi e muscoli,
anca se messi mal da un toco,
a darte 'na man e a tégnar duro,
coàndo no l'è restà più gnente
drento de ti,
a parte la bona volontà che te dise:
"tién duro!";
se te riussirè a parlàr
in piassa co 'la zénte
o a far coàtro passi coi Re
restando sempre cossita, sensa cambiàr;
se i to nemissi o i amissi
che te vol ben,
no i riussirà a farte del mal,
se par ti conta tuti,
ma nissuni conta massa;
se te riussiré a impenìr
ogni minuto de la to vita
dando valór a ogni secondo,
alora el mondo sarà ne le to mane,
con tuto coél che gh'è drento,
e coél che piassé conta,
l'è, che te saré un Omo, caro butél!
IF
If you can keep you head
when all about you
Are losing theirs and blaming it on you,
If you can trust yourself
when all men doubt you,
But make allowance
for their doubting too;
If you can,
wait and not be tired by waiting,
Or being lied about, don't deal in lies,
Or being hated, don't give way to hating,
And yet don't look too good,
not talk too wise: If you can dream - and not make
dreams your master;
If you can think - and not make
thoughts your aim;
If you can meet with Triumph and Disaster
And treat those two impostors
just the same;
If you can bear to hear the truth
you've spoken
Twisted by knaves to make
a trap for fools,
Or watch the things you gave your life to,
broken, And stoop and build 'em up with
worn-out tools:
If you can make one heap of all your winnings.
And risk it on one turn of pitch-andtoss,
And lose, and start again
at your beginnings,
And never breathe a word about your loss;
If you can force yourheart
and nerve and sinew
To serve your turn long
after they are gone,
And so hold on when there is nothing in you
Except the Will which says to them: "hold on!"
If you can talk with crowds and keep your virtue,
Or walk with Kings - nor lose the common touch,
If neither foes nor loving friends can hurt you,
If all men count with you,
but none too much;
If you can fill the unforgiving minute
With sixty seconds worth of distance run,
Yours is the Earth and everything that's in it,
And - which is more - you'll be a Man,my son!
Jacques Prévert
LE FOIE MORTE
Ma la vita destaca ci se vol ben
piàn piàn
sensa far casìn
e 'l mar scancela sora la sabia
i passi de ci s'a volù ben.
LES FEUILLES MORTES
Ma la vita destaca ci se vol ben
piàn piàn
sensa far casìn
e 'l mar scancela sora la sabia
i passi de ci s'a volù ben.
Pablo Neruda
EL TO SORISO
Càvame el pan, se te vol,
càvame l'aria, ma
no stà a cavarme el to soriso.
TU RISA
Quítame el pan si quieres
quítame el aire, pero
no me quites tu risa.
Walt Whitman
A TI
Foresto, se passando te me cati
e te vol far do ciàcole,
parché no te dovaressi ciacolàr con mi?
E parché mi no dovarìa
far do ciàcole con ti?
TO YOU
Stranger, if you passing meet me
and desire to speak to me, why
should you not speak to me?
And why should I not speak to you?
Bertolt Brecht
EL FUMO
Na casa picenina, soto i àlbari, al lago.
Dal coérto vién su el fumo.
Ah, se no'l ghe fusse,
coànta tristessa sarìa
par la casa, i àlbari e 'l lago.
DER RAUCH
Das kleine Haus unter Bäumen am See.
Vom Dach steigt Rauch.
Fehlte er
Wie trostlos dann wären
Haus, Bäume und See.
Charles Bukowski
SI SIOR!
Tuti i vissini de casa
pensa che noantri
semo strani.
Anca noantri pensemo
istésso de lori.
E tuti ghe imbrochemo.
YES SIR!
All our neighbors think that
we are
weird.
And we think that they
are.
And we're all
on
target.
Johann Wolfgang Goethe
SARÌA ANDÀ LONTÀN
Sarìa andà lontàn,
tanto lontàn
quanto l'è grando el mondo
se le stéle che le liga
el me destìn al tuo
no le me tegnesse,
cossita che solo in ti
possa conossarme.
E la poesia, i sogni, el desiderio,
tuto me urta da ti, a la to natura,
che fa dipéndar la me vita.
William Blake
EL BROL DE L'AMÒR
Son andà nel bról de l'amor
e g'o 'isto quel che no avéa mai 'isto,
'Na ceséta, l'era stà tirà su
in mèso nel bról
'ndoe me piaséa zugàr.
I cancéi de la céseta i era seré
e sora al portòn gh'era scrito
"ti no te devi".
Cossita me son girà indrio nel bròl
gh'era un s-ciàpo de fiori bèi ne la busa
E mi, g'o 'isto che nel campo
gh'era 'na tomba
co i fiori che querséa el so nome
E un prete vestì de nero
che'l seitàva a caminarghe arénte
ciapàndo co i spini,
i me sogni e le speranse.
THE GARDEN OF LOVE
I went to the Garden of Love ,
And saw what I never had seen;
A Chapel was built in the midst,
Where I used to play on the green.
And the gates of this Chapel were shut,
And ‘Thou shalt not’
writ over the door;
So I turned to the Garden of Love
That so many sweet flowers bore.
And I saw it was filled with graves,
And tombstones
where flowers should be;
And priests in black gowns
were walking their rounds,
And binding with briars
my joys and desires
Charles Baudelaire
SFIGA
Par tiràr su un gran peso,
ghe vorìa el to coràio, Sisifo!
Par quanto te g'abi
el fogo de la passión,
el laóro l'è longo e 'l tempo l'è poco.
Lontàn da l'ingenio claris ai do leoni
verso un camposanto fora da le mura
el me cor quertà da 'na strassa nera
come un tamburo
che bate longo un òbito.
Quanti ori dorme soto tera
sconti e intabusà nel stròo
lontàn da le sape e da ci pol tocarte;
quanti fiori i spande el parfumo
dolso come un segreto, che ruma
perdendose drento de ti nei ricordi.
Hermann Hesse
TÉGNEME PAR MAN
Tégneme par man al tramonto,
quando el ciaròr del giorno se smorsa
e 'l stròo fa sbrissiàr la so querta de stele.
Strùcala quando no riesso a vìvar 'sto mondo fato mal,
Tégneme par man...pòrtame 'ndoe no gh'è el tempo,
Strùcala se vivémo mal
Tégneme par man... nei giorni che no son sbarlòto...
Càntame la cansón de le stele, 'na dolsa melodia, co' un fil de voçe....
Tégneme par man... e strùcala ben
prima che 'l destìn el me porta via da ti...
Tégneme par man e no lassàrma 'nar...mai...
Lontàn da l'ingenio claris ai do leoni
verso un çimitero fora da le mura
el me cor quertà da 'na strassa nera
come un tamburo
che bate longo un òbito.
Quanti ori dorme soto tera
sconti e intabusà nel stròo
lontàn da le sape e da ci pol tocarte;
quanti fiori i spande el parfumo
dolso come un segreto, che ruma
perdendose drento de ti nei ricordi.